Shalat ai: Marit Seng Ja Pan
Ahkawn, Nang...
Ala
hpaji chye hkra nga shatsam ai ga,
Daini Ala bai dum shai wa,
Salum,
sin sinpai gahpra;
Ahkawn tsun ai ga ni hpe myit dum shagu,
Rau run
pyaw chyai ten ni alai jasu;
Tsawmhtap salum kata,
Ladaw shagu
Ahkawn hpe sha;
Ahkawn a pyawla ai N-gup aga a majaw,
Daini Ala
salum gapaw;
Sailen nten hta shagawp,
Tsawmhtap salum mung na a
majaw grawp;
Na a shangwang kaw na,
Daini Ala lawt pru hkra,
Shakut
hkawmsa raitim,
Prat myiprwi e dim.
Oh! Ahkawn ra sharawng ai,
Mungkan hpaji dai;
Daini Ala lu
sai....le.
Daini Ahkawn hpe tam n mu,
Ten shagu Ahkawn hpe chyu;
Ahkawn..Bai wa rit...bai wa rit..
Ngu myitkraw kata ngai
jahtau,
Matsan jahkrai salum ngai bau;
Goi...shingra tara kammaka,
Tsaw nga ninglen an hkabra;
Rau run lu na
kammaka,
Mungdan Magam a majaw sha.
