POKE BELLY, CRACK JOKES
- SO AS LAUGHING IS A MEDICINE!
Layang Shinggrau a Lam Kadun..!!!!!! In late
memory of our great man, who lived in Triangle land of Mali and Nmai
rivers. (Around 1953 - 1981).
He died for his intelligent anecdotes.
Kalangmi, Shinggrau gaw Na (Ear) lahkawng maga
hkyeng rai nna Sarawun kaw du sa wa sai. Dai shaloi Sarawun gaw hpa
majaw Na hkyeng ai lam san u ai.
Shinggrau gaw Yangon ga de Shanhpyi jak-rung
kaw bungli lu ai da. Shi Yangon du ai hte hpang shani dai Myen Lauban
wa gaw, Jak-rung woi yu gawan hkawm u ai.
Dai shaloi, Myen Lauban wa gaw, gawng gawng (rai dum
rai dum) nga let ningngu tsun u ai: "Shinggrau, anhte lawu Myen Mung ga
gaw Shanhpyi Jak-rung grai madang dep ai - maga mi de Nga jahkrung
(live) bang dat jang maga mi de gyepdin zeng zeng gale ai ngu tsun u ai".
Dai shaloi Shinggrau tsun ai gaw, "Lauban wa nau
hkum shalai (jahpyau) yu u; anhte Jinghpaw Mung kaw grau madang tsaw ai Shanhpyi
Jak-rung nga ai".
"Hm..nm.. grai myit lawm hpa rai reng nga ai le; she
jahta dan yu rit", ngu shi a Lauban wa Nhka (chin) ma-um nna tsun dat u
ai.
Dai shaloi, Shinggrau gaw, "anhte Jinghpaw Mung na Shanhpyi Jak-rung ni gaw, maga mi de gyepdin dingsa ni bang dat ai
shaloi, maga mi de Nga jahkrung zeng zeng gale wa ai", ngu tsun dat u
ai.
Shaloi, Myen lauban wa tsun ai gaw..."Aga! re a ni?
Deng gyipdin sumri ni gaw garade yawng mat wa ai rai"?
Shinggrau tsun ai, "dai ni gaw Nga Mai tai nna gale
wa ai," ngu tsun u ai!!!!!!
Contibuted by Naw San.
Shinggrau gaw lam lamaw kaba hku lai di wa ai aten,
la wa-ngan tsawmra mi lam ntsa kaw labu gadun bu nna gat ganawng hkawm
ai hpe mu ai shaloi, lam makau e tsap nga ai masha langai hpe lawu na
hte maren san dat u ai: -
-
Shinggrau: "Ndai masha ni hpa majaw lam lamaw
ntsa kaw gat nga ma ta?"
-
Makau na Masha: "Marathon gat shingjawng nga ma ai", ngu htan
dat u ai.
-
Shinggrau: "Marathon gat jang hpabaw lu a ta?" ngu bai san u ai.
-
Makau na masha: "Dang ai marai Langai kumhpa lu na re", ngu nna
bai htai dat u ai.
-
Shinggrau: "Dai raiyang gaw ngam ai masha ni hpa majaw gagat nga
ma ta?" !!!!
Contibuted by Tresa.
Shinggrau gaw Hkauna galau ten du sai hte maren, Nga langai mi lu shap
da nu ai. Dai nga gaw shani bungli ngut ai hpang shana de Hkying 6:00
PM du jang Madu kaw bai wa ap da ra ra re ai hku re. Dai masat da ai
ahkying lai mat jang Nga madu gaw hpang shani na matu shajan sawn bang
la la rai nga ai.
Lana de mi Nga dai gaw shaloi na hta nna grau lanyan ai majaw, hkying
6:00 PM hta madu nta n lu du wa na masa nga sai majaw, Shinggrau gaw
shingna hte gayet nu ai. Raitim, dai nga gaw nan nan, yawng yawng rai
hkawm nga ai. Shinggrau gaw myit grai ru sai. Makau e tu ai Majap langai
hpe di la nna nga maidang hku de daw mi daw bang dat u ai. Shaloi dai
Nga gaw mana maka chyang hkra gat dumbri hprawng mat wa sai. Shinggrau
gaw, dai Nga a hpang atsam dik hkra shachyut ai raitim, n lu dep sai
majaw, ngam ai Majap daw mi hpe shi a maidang hku de bai bang dat nu ai.
Dai shaloi Shinggrau gaw grai chyang hkra nta de gagat du mat wa sai
da!!!!
Contibuted by Abawk.
Shinggrau gaw Numsha ma langai mi hpe sumtsaw ga sa
tsun wu ai. Shaloi dai num kasha tsun ai gaw: "Nang ngai hpe Hkangse
Gyindin (crocodile boot) man mi jaw yang gaw, mai ai", ngu tsun u ai.
Dai ga na dat ai hte rau Shinggrau gaw kabu gara rai nna Africa Dan de
rawt mat wa sai. Shinggrau gaw Africa kaw tsawmra nga ai hpang grai
kaba ai Hkangse Langai lu sat nu ai. Shi gaw dai Hkangse ntsa kaw lung
hkra rai nna Hkangse Lagaw hpe shadawn yu ai shaloi Mahkret 71 (feet)
galu ai hte Gyipdin mung ndin ai majaw agying agang jahtau marawn dat
ai da!
Contibuted by Tresa.
Gorkha hpyenla ni gaw, shanhte a ntsa na Du ni hpe hkungga ai lam
hta grai mying kaba ai ni rai nga ma ai. Kalang mi Yangon Mare e,
Hpyenla ni tup rawng nga ai htap 7 tsaw ai Wuttek nta gaw Wan hkru wa
sai. Dai shaloi Gorkha Hpyenla marai Mali gaw Nylon
Sumgawn (net) kaba la nna jut shagu marai Langai hpra tek nna dai nta
ntsa kawn gumhtawn hkrat wa ai hpe sai (hkye) la nga ma ai. Ma kaji,
Num, dinggai, dingla hte hpyenla ni yawng hpe hkye la ngut masai. Hpang
jahtum htap Sanit kaw nna Shanhte a General wa gumhtawn hkrat wa
ai hpe mu jang Salute dat ma ai da!
Contibuted by Tresa.
Mali Nmai Wa-lawng ga e 1980 ning jan daram hkan Local
Guerrilla Force (LGF) htawm la kau sai majaw, LGF Gyi Jum (sergent)
langai mi gaw Army de gale la hkrum sai. Shi mare langai mi kaw
Komiti Ningbaw galaw nna nga ai shaning 10 jan ning na wa sai hte maren
tsang (rank) n jat ya ma ai majaw, DC (discharge) wa hpyi
na matu hkyen wa sai. Shi jahpawt manap lung wa nna Dap Ba kaw DC wa
hpyi ai shaloi, du ai hte jaw kau sai majaw ram ram yawn ai hte mare de
bai du wa sai.
Dai Mare e Komiti Ningbaw hku
matut galaw nga ai shaloi, Mam Yi hta Woi nau ju ai majaw, dai Woi ni
hpe garahku nna shaden na lam mare masha ni zuhpawng hpawng ma ai.
Hkrawng Ga na Hkinru la lanhgai mi ram ram kaja ai hpaji jaw u ai. Dai
gaw, "Tsa Yambu hpe shingnawm kaw tawnda nna Labau Hkak (stick)
daw sumpum da jang woi ni Tsa sha nna, nang jang dai Labau Hkak hte
gayet hkat nna si jawng na ma ai", ngu nyan daw garum wu ai.
Kajawa, dai mare Komiti wa gaw
Hkinru La wa hpaji jaw ai hte maren galaw nu ai. Woi ni gaw Tsa Pa
yawng shaw sha kau nna mam mung sha kau ya masai.
Dai shaloi mare Komiti wa gaw
nachying pawt sai majaw nyan daw sai hte maren Woi Mahtum (Monkey
Trap) hpe galaw nu ai. Hpang jahpawt sa yu ai shaloi Woi Langai mi
rawng taw ai hpe shi mu jang grai kabu sai hte maren dai Woi hpe n sha
kau ai sha shi a Hpyen Hkinghku (military uniform) hpe jahpun
nna nam de dat dat nu ai.
Dai dat dat ai Woi gaw shi a
manang ni nga ai de mana maka chyang hkra rai hprawng bang mat wa sai.
Shaloi Nam e ngam nga ai Woi manang ni gaw grai hkrit sai hte maren lam
pi n hkrup hkra hprawng dumbri magang, dai hpyen Bu hpun palawng,
Gupchyawp ni chyawp, tsan masat shakap da ai Woi mung manang ni hpe
hkan dep hkra shachyut nang magang rai lam hkan nkau mi ba nna di hkrat
si mat masai. Ngam ai Woi loi mi gaw dai hku gagat hprawng nga yang
Myen Hpyendap Lanagi de du wa masai. Dai woi hpe mu ai Myen Hpyenla ni
gaw, "Alar..! Hmyaut tong hma KIA louk dalar; di ne doh lut hma
mahuk doh buh (Alas! even Monkeys do KIAs - we will not escape
today)", nga nna hkrit nhtawm Myen hpyendap langai mi ting hprawng
yen mat wa ai da. Dai yi de mung Woi ni galoi n sa mat sai da!!!!!.
Contibuted by Zau Nan.
Shinggrau gaw Num ni hpe grai chye gaya ai wa re majaw, shi a
ningrum ningtau jan hpe Htunghking masa hku, salang dung nna jahtuk ya
ai hku rai sai. Dai hte maren num ni a lam hpe nau n chye ai majaw, nta
e rem ai dusat yam-nga ni hpe yu nna hpaji la nga lu ai.
Shi a madu jan gaw Na-up-na-sin
re ai Shi ngu na Shata gu, Chyinghkai mali du wa sai hte maren nta gawk
e galeng let Shinggyim machyi gadau taw nga ai.
Shi a madu jan, kasha shangai na
shawng jahpawt sha Kam mi arawng rai nna ntawt e rem da ai Gwi kanu
shawng kasha hkai sai. Shi gaw dai Gwi kasha ni hpe grai tsawra ai hte
maren shat jaw let masawp ai shaloi, shawoi na hte shai - Gwi kanu htim
gawa wa sai majaw Shinggrau ram ram hkrit mat sai.
Hpang jahpawt madu jan kasha
shangai sai hte maren shi gaw dai machyi gadau nga ai ningrum ningtau
jan hpe shat hkyen lajang jaw lu ai. Dai shaloi, Shinggrau a myit hta,
"dai daram ni ai Gwi pi kasha lu ai shaloi madu hpe htim wa ai gaw,
ngai na madu jan mung htim na re", ngu nna shat hpe e Hkahtang (typical
basket; often short and wide used in old days) hta bang, Numren (long
stick; often made of small and light bamboo) galu hta gyit noi nna
Chyinghka kaw nna dawn jaw wu ai.
Dai shaloi machyi nga ai madu jan
gaw grai yawn ai hte grai pawt sai majaw, shat Hkahtang hpe la nna shi
hpang de bai gabai bun dat wu ai. Shaloi, Shinggrau a myit hta, "Dai
yu'u - mi kawn ngai gaw tak sai rai nga ai", ngu ai da. !!!!!
Contibuted by La Nu.
Olympic 2004 Athen: Thai Mungdan e Boxing gasup ai Woi gaw mying
grai kaba wa ai hte maren, maigan mungdan shara shagu na buhkawm masha
ni sa yu mayu nga ma ai.
Dai woi gaw, 2004 ning, Athen
Mare e galaw ai Olympic de sa shingjawng na hku sa wa sai. Dai woi gaw
shi hkrai sha n kam sa ai majaw, woi mahkawn Lahkawng hte N-grau
Lahkawng rau sa ma ai. Woi ni gaw Olympic hta Boxing htawng ngut ai hte
maren, dang nna kabu gara gumtsan, goiyeng ma ai.
Dai zawn rai nga ai aten hta
Gymnastics ginsup ai shara de bai du ai shaloi, dai woi ni gaw zim sha
yu let, Myitprwi si pya pya rai yawn dung taw nga ma ai da. !!!!!.
Contibuted by La Nu.
Send your jokes to:
webmaster@kachinstate.com
- We will acknowledge you.
|
